2011年5月5日星期四

《我們是80後》

經常自省也曾年輕過,對後輩要心存包容。最近,網絡流傳一首名為《我們是80後》的歌,內容令阿貓動容,原來坊間對80後的批評不無道理。幸好阿貓阿狗早有準備,從未想過依賴下一代,否則老來過唔到世。

我每日打開報紙都見到有字,話我地憤青廢青仲衰過pet」,單是這句歌詞足以證明填詞人「高分低能」。憤,是一種主觀感覺。廢,是一種客觀現象。如果被人標籤「憤青、廢青」,首要自省,有否憤與廢,用事實推翻標籤,剝人家的牙。

問「你到底有冇乜責任」,假如「你」代表社會,對不起,沒責任。要算帳,請回家找父母,你是他們歡愉後的副產品,未得你同意便讓你面對這個弱肉強食的殘酷世界,確實罪無可怨。

你地係咪痴左線,一有親事我地就要行先死先」。不是社會「痴左線」,是你癡心枉想,槍打出頭鳥是人類真理,出得嚟行,理應預了要還,又要威又要帶頭盔,不是你們口頭禪嗎?為何輪到自己要抱怨?

we all lost our faith in your 六千蚊」,政府沒用槍指著你的太陽穴逼你要六千蚊,講「faith」,可以不要。「Im’ma post 80s got a master degree, wish I got a chance to build my family」,好笑,世界除了烏托邦的律例才會保證高學歷能建立家庭,無知的一廂情願只能換來痛苦。

My boss is tellin me I can never get to sleep~!!」,老板只能控制你的軀殼,你的靈魂能繼續尋夢,後果當然自負。「Im gonna shout and scream until you hear da truth」,懂得噪,確實是當今真理。「唐生唔該行開,廿幾歲我地知乜野係應該唔應該」,well,只怕唐生行開,你更要食自己。

Verse 3,全在理怨工作困難,賣不起樓,老掉牙的自怨自艾。506070後工作捱苦時可以罵誰?難道我們是抵死、賤的世代,只有80後夠珍貴,不能捱。不好意思,返家罵父母吧!為甚麼老豆不是李嘉誠?老母不是龔如心?

唔知幾時 D社會民意,全都針對八十後嘅知識份子。六十後又七十後 比你插到冇得透 到底想我點樣做,你地先至會收手。定喺背後 有幕後黑手 D問題放大逼到我地跳樓。」好笑,又要生又要死又要刀仔吉大脾,五時三刻想自毁確實是年輕人的武器,對唔住!不一定work

分化社會究竟係咪一個陰謀 , 想將所有責任問題推落我地心口。喺D傳媒心目中,我地只係小丑, 各大報章雜誌都會為我地爭先恐後。影下哩邊特首,又睇下果邊出手。搞大件事,做官方口舌。」一唔啱聽,就話人家是五毛黨,你們的言論自由定義果然非同凡響。

我係八十後,我唔會亂扔石頭。」你不是不會,是不敢。又痕又怕痛,最叻大叫「差佬打人」,抗爭要有放飯時間,大龍鳳只做半套。

我沒有揀選這殘酷的八十年代,不要再讓我的自尊心受到沉重的傷害」,對不起,年代同樣沒有選擇你,能保護自尊心的只有自己,求人不如求己。「工作沒有明天,戶口裡沒一佰塊」,不要忘記還有簽爆的信用咭帳單。

不說了,大家自己聽吧!年輕人如此囉哩囉唆,注定無前途。假如貓家有這類80後,阿貓阿狗肯定會登報與他斷絕關係,臭罌出臭草,DNA影響DNA

8 則留言:

  1. 雖然我係90後 但係都好睇唔過眼d 80 後..><
    買唔起樓又關政府事 (但係個個都買得起gucci 仲要成日換) 其實個個都係咁捱架la. 點解之前d人買得起,係80後買唔起?
    好啦 大學生出黎話人工低.. 但係有邊個唔係由低做起?
    又話 而家最低工資. 阿媽人工都高過佢.. 佢地都負出過努力. 但係冇諗過呢個努力換黎係唔駛勞力!

    有時覺得沈詩鈞都好過佢地. 最少知道學習時學習, 而唔係唱k拍拖打牌!

    睇返歌詞 呢句好好笑 工作沒有明天,戶口裡沒一佰塊 <- 咁都講得出 識唔識個醜字點寫?咁大個人 都唔識儲錢.. 買唔到樓是活該!!!

    回覆刪除
  2. 我係 80 年出世既,真係好討厭俾呢班所謂 “八十後” 影衰晒。

    無辦法啦!
    呢班由出世到依家都係安定社會生活無憂既人
    多少少歷史都唔識
    人生也沒多少歷練
    依家香港既情況根本就係 history repeats itself
    當家作主不容易啊!

    唔知係我無知定係 D 人幼稚
    有 D 人(已經是 70 後)
    想同上頭搞抗爭
    竟然覺得攪個小組出黎就已經係一項成就
    為個小組起個懶型既名就已經好興𡚒,咁又係另一項成就
    好似玩緊大學生上莊咁
    跟住就迫你入會,好似你唔 join 就唔團結
    把口就話我地要團結,但其實要團結甚麼也說不清楚
    根本從來就無團結過
    人又已經唔多隻,又無誠意去聽取他人意見
    貼下海報又用左兩個星期,都唔知有乜用
    呢 D 咪就係心口掛個勇字
    做野其實好似細路仔玩泥沙咁囉
    同個班大叫警察打人,搞衝擊(例如撞曾特首)就覺得自己好勁好有成就既 80 後真係無咩分別

    如果他們是生於二次大戰時期
    呢 D 80 後既所謂埋怨,根本就是身在福中不知福
    有書讀,有飯食,不用擔驚受怕已經係超幸福
    殘酷的八十年代?
    簡直係笑甩人棚牙

    小女子

    回覆刪除
  3. 嗯﹐我都係80後
    又﹐我從來覺得所謂80後係假議題
    係有D低能仔自己係個假議題上面鑽牛角尖
    就真係無人幫到佢

    回覆刪除
  4. 其實最大問題係"我", 所謂的"80後"都是只有"我", 沒有"你"和"他/她". 自我中心無限放大, 要世界包圍自己行, 沒有想到世界上仲有其他人. 什麼也是他人/社會的錯. 自己做唔到的,一事無成又係他人的問題, 又話上一代人唔讓位, 無機會等等. 到有機會比你, 你咪又係hea住做. 看不見自己的不足, 硬要人家負你的責.

    回覆刪除
  5. Re Yau:90後也要捱?捱甚麽呀?

    Re 小女子:幸好這類80後只是少數。

    Re 文少:還以為你是70後,年少有為。

    Re 海光田死郎: 哈哈!近世代正是流行自我中心。

    回覆刪除
  6. 唉吔. 我諗我有小小詞不達意. 應該係話 要買樓,就一定要捱!不論6.7.8,90後.. 邊一個時期都係咁! 而我還好.仲未到捱的時侯...:p

    回覆刪除
  7. 另一個角度:
    http://manincentral.blogspot.com/2011/05/blog-post_09.html

    我猜各有各的合理, 就算批評80後其實都是關心的一種吧

    回覆刪除
  8. Re Yau:沒關係!明白你的意思。

    Re Unreality泡影:我無興趣別人的意見,各有前因。

    回覆刪除